【Fintalk180 媒體專訪】加密貨幣基金 ● 投資篇:在港僅許專業投資者投資 三大重點須注意



加密貨幣投資市場熾熱,由基金管理公司 ProShares 發行的美國首隻比特幣期貨 ETF(代號 BITO),上月正式在紐交所上市,可見加密貨幣基金越來越吸引投資者眼球。有投資董事提醒,投資者若對加密貨幣基金投資有興趣,應選擇受證監會規管的持牌基金管理公司,並留意基金託管人是否屬高規格,以及相關保險條款的保障範圍。


Axion Global Asset Management 投資董事黃名漢稱,約 2017 年以太坊興起,「帶動咗 Altcoin,即係非比特幣嘅幣興起,開始有基金經紀想搞加密貨幣基金。」


經數年發展,現時世界各地市場上的加密貨幣基金,約六至七成投資包括比特幣、以太坊,以及十大或 50 大加密貨幣,「其餘可能玩比較另類,比如 Defi、NFT 之類產品;2021 年趨勢係好多基金專玩 NFT。」


經未有監管平台買賣風險多

本港獲證監會批准的加密貨幣基金,大約有兩至三個,而且只有專業投資者(附合擁有 800 萬港元投資組合資產等定義)才能投資,市場未算成熟。黃指假如並非專業投資者,「暫時可能要自己搵方法,向非由證監會監管的平台買賣。」

但他強調,投資者若向未獲監管平台買賣加密貨幣基金,將有不少風險,例如「將錢轉做電子貨幣、穩定幣或比特幣時,交易員可能係騙徒,或者後面啲錢可能係污糟嘅,你唔知,可能會墮入法網。」

另外,加密貨幣市場波動性大,「行規有一句係:One month in crypto equals to one year financial market,你唔跟得貼,無端隻嘢可能大跌你唔知點解」,故不熟悉該市場的投資者,交由基金管理公司投資會較有保障。


須留意保險條款細節

黃名漢指現時投資者最關注的,多數是投資加密貨幣基金後,相關平台對資金的保安問題,「我見過唔少客,通常話唔介意投資呢個策略,回報差或輸錢,但好介意啲錢唔見咗。」

因此他建議投資者投資時,選擇受證監會規範的持牌基金管理公司;留意基金託管人是否屬高規格,即其使用的技術是否足夠保障投資者的資金不會失竊、過去有否被黑客入侵盜竊紀錄等;亦應留意相關保險條款,因「魔鬼在細節」,「有啲可能係你出事唔保,託管人出事先保,比較完就會睇到某啲分別。」

加密貨幣市場的波動性,比傳統股票或債券或市場可能高幾倍,但黃指其升值潛力和風險回報亦較高,「可能跌 9 成,但亦有機會升 6、7、8 倍,對顛覆性技術(disruptive technology)及金融科技(fintech)有興趣的人士適合投資」。他又認為,家族辦公室應該考慮將投資組合 1 至 5 % 投資加密貨幣市場。


投資者宜花時間學習市場資訊

黃提醒有意投資加密貨幣基金的投資者,應花時間學習市場資訊,「有個笑話係,比特幣喺六萬幾蚊時,啲人個個湧埋嚟,但跌到三萬蚊,就冇人同你講。意思係與其根據價格走動,上升時先對相關產品有興趣,其實應花時間留意市場發展程度,決定係咪有信心去投資。」

他補充,相關資訊在網上完全公開,「你嘥少少時間係好易跟到,當你明白成個市場點運作,呢度潛在好多唔同嘅投資機會。」


專訪內容:https://fintalk180.com/20211117cryptofund/


#AGAM #AxionGlobalAssetManagement #BITO #Cryptofund #DeFi #DigitalAsset #FinTech #NFT #ProShares #以太坊 #加密貨幣基金 #數字資產 #比特幣 #金融科技 #黃名漢